Թարախային խցաններ կոկորդում. armeniamedicalcenter.am

Բերանի տհաճ հոտը, կլման դժվարացումը, գլխացավը, կոկորդում տհաճ զգացողությունը կարող են թարախային խցանների ախտանշաններ լինել: Դրանք ուղեկցվում են նաև բարձր ջերմությամբ, վատ ինքնազգացողությամբ: Կոկորդի զննման ժամանակ նշիկների վրա երևում են երբեմն շատ, երբեմն սակավ սպիտակավուն գոյացություններ:

Դրանց առկայության դեպքում պետք է դիմել օտոլարինգոլոգի:

Պատճառները

Նշիկների թարախային խցանները լրիվ չբուժված կամ քրոնիկ անգինայի հետևանք են: Դրանք բնորոշ են հիվանդության և՛ սուր, և՛ քրոնիկ վիճակներին: Տոնզիլիտը հանդիպում է և՛ երեխաների, և՛ մեծահասակների մոտ: Թարախային խցանները տարբերվում են
չափերով և կարող են լինել մինչև 1 սմ: Դրանք կուտակվում են նշիկների լակունաներում:

Բուժման միակ արդյունավետ միջոցը նշիկների վիրահատական հեռացումն է: Խնդրի կանխարգելումն ավելի հեշտ է, քան բուժումը, այդ պատճառով պետք է անպայման ժամանակին դիմել բժշկի:

Թարախային խցանների առաջացման գործոնները

Հաճախ պատճառը մրսածությունն է և ինֆեկցիաները, բայց կան և այլ պատճառներ.

Ապրելակերպը – բերանի խոռոչի անբավարար հիգիենան, ծխելը, վնասակար
սովորությունները, չբուժված անգինան

Քթի խոռոչի քրոնիկ հիվանդությունները
Վիրահատությունից, մրսածությունից, սթրեսից, քիմիոթերապիայից հետո երկրորդային իմունոդեֆիցիտը

Սխալ սնունդը. չափից ավելի սպիտակուցի օգտագործումը նպաստում է բորբոքման քրոնիզացիային

Նշիկների վնասումը խցանների ինքնուրույն հեռացման փորձի պատճառով

 
Բարդություններ

Անգինան տարածված հիվանդություն է հատկապես երեխաների մոտ: Տոնզիլիտի քրոնիկ ընթացքը բնորոշվում է պարբերական սրացումներով:

Ժամանակին բուժում չանցկացնելու դեպքում առաջանում են բարդություններ.

• Պարատոնզիլյար աբսցես
• Ֆլեգմոնա
• Վերափոխում, երբ լիմֆոիդային հյուսվածքը փոխարինվում է շարակցական
• հյուսվածքով
• Սեպսիս–արյան ինֆեկցում
• Երիկամների ախտահարում
• Սրտամկանի և հոդերի բորբոքում

 
Բուժումը

Ինքնուրույն խցանների հեռացումը վտանգավոր է: Կարելի է պարզապես կոկորդը ողողել հակասեպտիկ լուծույթով ուտելուց հետո 2 ժամը մեկ, դրանից հետո կարելի է անտիսեպտիկով թրջած տամպոնով փորձել հեռացնել խցանները: Ոչ մի դեպքում չպետք է սեղմել խցանները: Դրանից հետո դարձյալ անհրաժեշտ է կոկորդի ողողում կատարել:

Բժշկի դիմելուց հետո արդեն նշանակվում է համապատասխան բուժում՝ դեղորայք և այլն: Իրականացվում է թարախի հեռացում աքցաններով կամ վակուումային մեթոդով:

Անտիսեպտիկով /հականեխիչ/ կատարվում է կոկորդի լվացում: Թերապևտիկ կուրսը օրը մեջ, տասնհինգ միջամտությամբ է անցկացվում: Վակուումային լվացումն իրականացվում է անզգայացմամբ:

Օգնում է նաև ֆիզիոթերապիան.

• Ուլտրամանուշակագույն ճառագայթում
• Լազերային բուժում
• Ուլտրաձայնային աէրոզոլներ

 
Կանխարգելում

• Բերանի խոռոչի կանոնավոր հիգիենա
• Կարիեսի ժամանակին բուժում
• Սննդի ամեն ընդունումից հետո բերանի ողողում
• Հրաժարում ծխելուց և ալկոհոլից
• Ճիշտ սնունդ
• Քիթ-ըմպանի քրոնիկ օջախների ապաքինում /սանացիա/։

Հարցեր, պատասխաններ, մեկնաբանություններ